विगत जे जस्तो रहे पनि आज संस्थाले राष्ट्रिय स्तरमा आफ्नो बलियो छबी बनाएको छ । यस क्षेत्रमा वित्तिय सेवा प्रवाहमा बैंक तथा वित्तिय संस्थाहरुको प्रतिस्पर्धा छ । यस्तो तिब्र प्रतिस्पर्धाका बिच संस्थाले नयाँ–नयाँ कार्यक्रम ल्याएर यस क्षेत्रमा आफ्नो दरिलो उपस्थिती जनाउनुका साथै लोकप्रियता समेत हासिल गरि आफ्नो छुट्टै अस्तित्व र पहिचान बनाई सकेको छ ।

सदस्यहरुलाई केन्द्रमा राखेर योजना बनाई अघि बढिएका कारण यो सम्भव भएको हो । अब यो उपलब्धिलाई संस्थागत गर्दै अझै लामो दुरीको यात्रा तय गर्नुपर्ने जिम्मेवारी हाम्रो काँधमा छ । सरोकारवाला सबैको साथ र समर्थन रहे जस्तासुकै चुनौती पनि पार गर्न अवश्य सकिनेछ भन्ने मेरो विश्वास छ । तसर्थ, आगामी दिनहरुमा दीर्घकालिन योजनाहरुको निर्माण गर्दै नयाँ सोच, कार्यक्रम र आयामका साथ अघि बढ्न शेयरसदस्यहरु, सन्चालक समिति, लेखासुपरिवेक्षण समिति, सल्लाहकार समिति लगायत शुभेच्छुक संघ, संस्था, निकाय तथा व्यक्ति महानुभावहरुबाट निरन्तर सल्लाह सुझाव एवं मार्गदर्शनको अपेक्षा लिएको छु ।
धन्यवाद, जय सहकारी ।